السلام عليكم ورحمة الله وبركاته يا بنى ادمين
كيف حالكم يا بشر
امبارح حضرت حفلة من اجمل الحفلات اللى حضرتها فى حياتى
مع انها مكنش فيها اى نظام للأسف
الحفلة دى هى حفلة تخرج الدفعتين اللى فاتوا
ما شاء الله عليهم
ربنا يحميهم يا رب
حاجة تفرح كدا
كل مهندس او مهندسة جايب والدته ووالدته واخواته معاه علشان يفرحهم ويقولهم انا عوضت تعبكم السنين دى كلها ببكالريوس الهندسة
انا كنت قاعد فى الصف الاول بصور
ورايا كانت فيه واحدة بتعيط
فكل شوية صوتها يعلى فى العياط فأبصلها ألاقيها منهارة تقريبا
فالمهم بقولها مالك يا ماما فيه ايه
بتقولى دى دموع الفرحة يابنى ...... ابنى بقى مهندس قد الدنيا
والله احلى حاجة فى الحفلة دى فرحة الاهالى بأولادهم
ربنا يديم فرحتهم
يلا يا رجالة شدوا حيلكم وربنا معانا علشان نخلى امهاتنا تعيط كدا
هههههههههههه
الصور هرفعها النهاردة او بكرة ان شاء الله على الموقع
وجزاكم الله خيرا وأسف على الاطالة
بس انا الادمن بتاع الموقع والمنتدى واعمل اللى انا عايزه
حد معترض ؟؟؟؟
سلاموز باللوز