اعتصام طلاب المعهد العالي للتكنولوجيا اعدادي واخراجي

https://www.youtube.com/watch?v=d0Yj-tHB5bA


ادخل علي اللينك وهتشوفوا الفيديو عايزة رايكم

جميل اوى يا بشمهندسة تسلم ايديكى

بس شوية ملحوظات ليا احب اطرحها
أولا مش منظر حضارى ابدا ان طالب فى معهد مرموق زى بتاعنا يخرج ادام الناس بالتريننج والفوط
الناس لما تشوف الصور دى مش هنصعب عليه ولا حاجة
بالعكس هيتريقوا علينا


ثانيا الهتافات الدينية فى الاعتصام
تدخل تحت تصنيف الذكر الجماعى وهو مما نهى عنه رسول الله صلى الله عليه وآله وسلم


ثالثا هتافات الاخوات المهندسات ربنا يزيد عفافهم
صور المرأة مش عورة لكن فيه حالات بيبقى فيها صوت المرأة عورة
زى مثلا الغناء او الصياح او الصوت العالى او ترقيق الصوت او الكلام بمياصة ( سورى فى اللفظ )
وارتفاع صوت المرأة فى الاعتصام دا يدخلها فى حكم العورة


رابعا المبيت فى الطرقة اللى ادام النجمة
دا غلط جدا
مش معقولة تكون الطرقة دى اكتر مكان حيوى فى المعهد كله ويباتوا فيها
الموظفات والمهندسات والمعيدات هيسببلهم احراج جامد جدا لما يعدوا من هناك ويشوفوا واحد قاعد والفوطة على كتفه ولا كانه قاعد فى بيت ابوه


انا مرضاش لأختى كدا
واكيد اى حد منهم ميرضاش بكدا



عندى كمان تعليق صغير جدا ومهم جدا فى نفس الوقت
انا قلتلك ان الكليب دا كويس وجميل ما شاء الله بس فيه مشكلة خطيرة جدا جدا جدا
لو كنتى حطيتى صورة من صور الاعتصام اللى انا فيها اكيد كنتى هتكسبى تأييد الرأى العام

كل الناس هتقول بصوا
الدكتور احمد معتصم معاهم

وهيتحول على طول

بس للأسف محدش بياخد باله من الحاجات المهمة دى
هههههههه



جميل مرة تانية مع انى عندى تحفظ على الموسيقى اللى فيه




سلمت يداكى

شكرا الرد ولكن



أولا مش منظر حضارى ابدا ان طالب فى معهد مرموق زى بتاعنا يخرج ادام الناس بالتريننج والفوط
الناس لما تشوف الصور دى مش هنصعب عليه ولا حاجة
بالعكس هيتريقوا علينا
-------------------اوك ماشي هو فعلا مش منظر حضاري بس هما لومش عايزين ان الناس يشوفهم كدة ماكانوش عملوا كدة بس هما عايزين ان الناس يشوفهم
ولو ماكنوش عايزين حد يشوفهم ماكانوش نزلوها علي موقع المعهد ونزلوها صور وماكانوش خلوا الناس والتليفزيون تيجي تصوروماكانوش نزلوها علي النت


ثانيا الهتافات الدينية فى الاعتصام
تدخل تحت تصنيف الذكر الجماعى وهو مما نهى عنه رسول الله صلى الله عليه وآله وسلم

----------------اللي انا حطاه في الكليب مافيهوش اي حاجة تدل علي الهتافات الدينيه
ولو قصدك علي انهم بيصلوا وبيقروا قران ده دليل علي انهم معتصمين وبايتين وده لازم لانهم مسلمينوعلشان يسبقي في بركة

رابعا المبيت فى الطرقة اللى ادام النجمة
دا غلط جدا
مش معقولة تكون الطرقة دى اكتر مكان حيوى فى المعهد كله ويباتوا فيها
الموظفات والمهندسات والمعيدات هيسببلهم احراج جامد جدا لما يعدوا من هناك ويشوفوا واحد قاعد والفوطة على كتفه ولا كانه قاعد فى بيت ابوه

ماهو لما احن بنروح المعهدالصبح مابنلاقيش حاجة من دي لانهم بيبقوا شايلين كل الحاجات دية وبالتالي مابيكونش في حرج لان مافيش حاجة
اومال حضرتك عايزهم يعتصموا ازاي


ثالثا هتافات الاخوات المهندسات ربنا يزيد عفافهم
صور المرأة مش عورة لكن فيه حالات بيبقى فيها صوت المرأة عورة
زى مثلا الغناء او الصياح او الصوت العالى او ترقيق الصوت او الكلام بمياصة ( سورى فى اللفظ )
وارتفاع صوت المرأة فى الاعتصام دا يدخلها فى حكم العورة

----------بصراحة هو مافيش بنات بتهتف اصلا في العتصام وان كان علي صورهم هي مش باينة وكمان مفروض البنات كانت تبقي معتصمة وكمان هما من طلا ب المعهد يعني واجب عليهم انهم يشتركوا في الاعتصام وكونهم مابيشتركوش دي سلبية


------------وعلي العموم الكليب اللي جاي هنحط صورتك ومعاك دكتور احمد

------------والاغنية عادية مافيهاش حاجة الا واذا كان ليك وجهة نظر اني احط اغنية تانية ده يبقي موضوع تاني
وشكرا علي الرد واستفادت من ردك شكرا

اقتباس :

------------وعلي العموم الكليب اللي جاي هنحط صورتك ومعاك دكتور احمد

[quote]

روحنا فى داهية
هرفع عليكى قضية
هههههههههه

اقتباس :

أولا مش منظر حضارى ابدا ان طالب فى معهد مرموق زى بتاعنا يخرج ادام الناس بالتريننج والفوط
الناس لما تشوف الصور دى مش هنصعب عليه ولا حاجة
بالعكس هيتريقوا علينا
-------------------اوك ماشي هو فعلا مش منظر حضاري بس هما لومش عايزين ان الناس يشوفهم كدة ماكانوش عملوا كدة بس هما عايزين ان الناس يشوفهم
ولو ماكنوش عايزين حد يشوفهم ماكانوش نزلوها علي موقع المعهد ونزلوها صور وماكانوش خلوا الناس والتليفزيون تيجي تصوروماكانوش نزلوها علي النت

انا معاكى انهم عايزين الناس تشوفهم كدا
مقولتش حاجة
بس برضو منظر مش تمام

اقتباس :

ثانيا الهتافات الدينية فى الاعتصام
تدخل تحت تصنيف الذكر الجماعى وهو مما نهى عنه رسول الله صلى الله عليه وآله وسلم

----------------اللي انا حطاه في الكليب مافيهوش اي حاجة تدل علي الهتافات الدينيه
ولو قصدك علي انهم بيصلوا وبيقروا قران ده دليل علي انهم معتصمين وبايتين وده لازم لانهم مسلمينوعلشان يسبقي في بركة

يا بشمهندسة انا مش عامل التعليقات دى على الكليب
انا بتكلم عن الاعتصام
الهتافات الدينية الموجودة زى الله اكبر ولله الحمد
لا اله إلا الله ... هنحوله ان شاء الله
حسبنا الله ونعم الوكيل ... ليس للتحويل بديل

وياستى البركة لا تحل إلا بالطاعة
فلو كان الذكر الجماعى بدعة منهى عنها فلن تحل حتى لو كانت النوايا تامة

هديكى مثال الناس المتخلفين ( الصوفيين ) بتوع الموالد
اللى بيقعدوا يرقصوا ويقولوا الله حى
كلمة الله حى فى حد ذاتها ذكر لله سبحانه وتعالى
لكن لما يقولوها مجتمعين بالشكل دا يبقى حرام
وكونهم بيقولوها بالطريقة العقيمة اللى بنشوفها عليهم دا حرام تانى

اقتباس :

رابعا المبيت فى الطرقة اللى ادام النجمة
دا غلط جدا
مش معقولة تكون الطرقة دى اكتر مكان حيوى فى المعهد كله ويباتوا فيها
الموظفات والمهندسات والمعيدات هيسببلهم احراج جامد جدا لما يعدوا من هناك ويشوفوا واحد قاعد والفوطة على كتفه ولا كانه قاعد فى بيت ابوه

ماهو لما احن بنروح المعهدالصبح مابنلاقيش حاجة من دي لانهم بيبقوا شايلين كل الحاجات دية وبالتالي مابيكونش في حرج لان مافيش حاجة
اومال حضرتك عايزهم يعتصموا ازاي

يا ستى مقولناش حاجة
لو حصل اضراب عن الطعام انا اول واحد هيروح معاهم مع انى مش موافق على الاعتصام اصلا ( وفى نفس الوقت مقتنع ان دا حق من حقوق الطلبة )
بس لما توصل لحد الاضراب عن الطعام تبقى وصلت لمرحلة الاستماتة
ومينفعش اسيب اخواتى يتعبوا بالشكل دا علشان هدف عايزينه
لازم اساعدهم على تحقيقه حتى لو مكنش مطلب ليا


انا مقولتش ميباتوش ولا حاجة
انا بقول لو باتوا فى منطقة تانية غير الحتة دى هيبقى موقفهم احسن بكتير اوى
وهنبقى كسبنا حاجتين
الحاجة الاولى مظهر المعهد هيبقى فى احسن صورة علشان حتى لو حد جه من برا يشوف ايه هو معهد تكنولوجيا دا يقول علينا راقين بأخلاقنا بمناهجنا بمبانينا بورشنا بأعضاء هيئة تدريسنا..... بكل حاجة

الحاجة التانية اننا هنبقى مستمرين فى الاعتصام والمبيت والدنيا كلها عارفة اننا بايتين هناك



الاسبوع اللى فات كنت عند الدكتور احمد
طلب 3 من منظمين الاعتصام
جابر ( الاخوانجى العقيم وأسف جدا فى الكلمة بس دا رأيى بعد اللى حصل منه فى الترم الاول )
والبشمهندس محمد اللى اتكلم فى 90 دقيقة
وواحد تانى معرفوش

قالهم يا جماعة عايز مطلبين
الاول تنقلوا مكان مبيتكم ورا
فى الطرقة اللى ورا اللى بينها وبين الطرقة دى الحتة الفاضية الكبيرة اللى فيها كراسى

هل دا يسبب مشكلة يا بشمندسة ولا يأثر على الاعتصام فى حاجة ؟؟؟



تانى طلب بلاش موضوع الفوط علشان المظهر العام ( احنا فى مكان اكاديمى مهما كان )

وقالوله حاضر يا دكتور هنعمل الى انت عايزه
قالهم مش زى كل مرة تقولولى هنعمل ومبتعملوش حاجة
قالوا حاضر

وفعلا دا اللى حصل
منقلوش حاجة من مكانها والفوط زى ماهى



وبكدا خسروا ادارة المعهد بغباءهم ونفاقهم
قال رسول الله صلى الله عليه وآله وسلم : " آية المنافق ثلاث : إذا حدث كذب وإذا وعد أخلف وإذا أؤتمن خان "

ودا اللى حصل
حاضر يادكتور ومفيش حاجة حصلت

خسرنا الادارة للأسف بسبب التنظيم العقيم للاعتصام
ومجهود اخواننا اللى سايبين بيوتهم والعيشة المرفهة فيها ونايمين على البوردات فى المعهد و فى برد الليل
للأسف دى الحقيقة


تخيلى يا بشمهندسة
احد المهندسين الحلوين بتوع كهرباء كان شغال كهربائى قبل كدا
كان صنايع وبعدين معهدفنى وبعدين جالنا

فاهم يعنى فى الكهرباء
قطع وصلة كهرباء من ( بريزة) فى المعهد وخدها علشان يشغل الهورن

تفتكرى من حقه انه يعمل كدا ؟؟؟
يبوظ كهربة المعهد علشان سيادته عايز يتكلم بصوت عالى ؟؟؟؟

طب ايه فايدة الهتافات بالليل ؟؟؟
على الاقل فيه ناس نايمة جنبهم
هم مش فى صحرا
والنبى وصى على سابع جار والكل عارف كدا
فين حقوق الجيرة ؟؟؟؟؟

اقتباس :

----------بصراحة هو مافيش بنات بتهتف اصلا في العتصام وان كان علي صورهم هي مش باينة وكمان مفروض البنات كانت تبقي معتصمة وكمان هما من طلا ب المعهد يعني واجب عليهم انهم يشتركوا في الاعتصام وكونهم مابيشتركوش دي سلبية

والله يا بشمهندسة دى حاجة تفرح
أرجو ان المعلومة اللى عندى تكون غلط
انا سمعتهم مرة واحدة فعلا لما كان فيه مسيرة
بعدها فعلا مسمعتهومش
دا حاجة كويسة

اقتباس :

------------والاغنية عادية مافيهاش حاجة الا واذا كان ليك وجهة نظر اني احط اغنية تانية ده يبقي موضوع تاني
وشكرا علي الرد واستفادت من ردك شكرا

أنا ضد الغناء اللى فيه موسيقى او اى غناء كلامه مش هادف
الامام ابن القيم بيقول : الغناء قرآن الشيطان
والنبى صلى الله عليه وآله وسلم بيقول : ( يأتى قوم من أمتى يستحلون الحرا ( الفرج ودا كناية عن الزنا .... يعنى يستحلون الزنا زى ما فيه ناس بتحلل الزواج العرفى دلوقتى ) والحرير ( حرام طبعا للرجال ) والخمر ( لا شك فيه ) والمعازف (اللى هى الموسيقى وفيه استثناءات زى قرع الدف فى الافراح للنساء وقرع طبول الحرب والقرع للتنبيه لأمر ما و و و و)

الاغنية اللى حضرتك حطيتيها بجد كلماتها كويسة ومفيهاش مشاكل
المشاكل فى الموسيقى بس





وبعدين يا ستى هقولك حاجة
مادامك كنتى حاطة موسيقى ليه محطيتيش موسيقى العيال التايهة اللى كان بييجى على القناة التالتة زمان

بعد نص دقيقة بس من الكليب هتلاقى اللى بيتفرج عليه بيعيط وقلبه متقطع يا عينى
هههههههههههههه







معلش طولت يا بشمهندسة
على فكرة انا شوفت رسومات واحد فى تالتة كهرباء اسمها تقريبا سمر محمد احمد
فى معرض الفنون التشكيلية
انا مشارك فيه بلوحتين


شغلها تحفة
لو تعرفيها قوليلها الدكتور المهندس عميد المعهد ( مستقبلا ان شاء الله يعنى بعد خمسميت سنة كدا ) بيقول على شغلك حلو

على فكرة انا لما شوفت الكليب خدت بالى انك مش حاطة صور بنات

ودى حاجة تحسب ليكى الحقيقة

جزاكى الله خيرا على حفاظك على زميلاتنا البنات

جراتسى سنيوريتا

ان شاء الله لما اشوفها هقولها هي صاحبتي وشكرا علي ردك

ياباشا الطالب اللى يمنع طالب انه يدخل دا لازم ياخد على دماغه بالجزمة

دا مش من حقه

وفى الاعتصام بتاع الترم الاول ضربت واحد علشان وقف فى وش اختى ومكنش عايز يطلعها وكان وراها امتحان حاسب

والعسال شافنى وظبطه اخر تظبيط




انا مش شايف اى حاجة غلط فى انه ياخد كارنيهاتهم
وبعدين هو حذرهم قبل كدا كتير

اللى عايز يعتصم يعتصم بس ميجبرش حد على الاعتصام



والدكتور احمد محدش يقدر يقول انه معملش حاجة

الدكتور احمد هو اللى كلم المحافظ اليومين اللى فاتوا
وهو اللى عمل توصية لأعضاء مجلش الشعب علشان يطرحوا المشكلة دى
والكام يوم اللى فاتوا هو والدكتور جمال اسماعيل ربنا يحفظهملنا عمالين فى اتصالات بناس فى مناصب قيادية علشان يحلوا الازمة دى


والله انا شايف ان اللى يكرهه علشان حاجة زى دى يبقى انسان غير سوى

انت بتكرهه يا حج عامر ؟؟؟؟

انا من راي معهد زي كليه وكل واحد دخل اي مجال يحاولينجح فيه و بلاش اي اعتصامات مفيش فايده