الاعتصام فى الصحافة

عبدالرحمن عبادي وأحمد سعيد////////////جريدة الدستور

وسط حصار أمني كثيف واصل المئات من طلاب معهد تكنولوجيا بنها العالي اعتصامهم بساحة المعهد لليوم الخامس عشر علي التوالي، احتجاجاً علي تجاهل وزير التعليم العالي مطلبهم الخاص بتحويل مسمي المعهد إلي كلية «الهندسة والتكنولوجيا».

وأكد ممثلو اللجنة التنسيقية للاعتصام أمس إصرار طلاب المعهد علي مواصلة الاعتصام عقب توارد أنباء عن وصول إنذارات جماعية بالفصل إلي منازل الطلاب المعتصمين، مشيرين إلي أنهم سيواصلون الاعتصام والإضراب عن حضور المحاضرات لحين صدور قرار بتحويل مسمي المعهد إلي كلية أو صدور طلب مباشر من رئيس الجمهورية لفض الاعتصام وتكليف وزير التعليم العالي بالنظر فيما يطالب به طلاب المعهد.


وكانت قوات كثيفة من الأمن المركزي قد بدأت في تطويق المعهد عصر أمس الأول في سابقة هي الأولي منذ بدء الاعتصام صحبتها مدرعتان وطائرة إسعاف لنقل الطلاب المرضي بعد دخول عدد من المعتصمين في إضراب مفتوح عن الطعام قبل ثلاثة أيام، إلا أن المسئولين عن القوات الأمنية أخبروا الطلاب بأن أوامر صادرة بعدم التعرض للمعتصمين، إلا في حالة محاولة الخروج من بوابات المعهد، مؤكدين للطلاب أن مشكلتهم مع وزير التعليم العالي وليس مع الأمن.


يذكر أن الدراسة توقفت تماماً بالمعهد بعد انقطاع أكثر من 3 آلاف طالب ــ هم إجمالي طلاب المعهد ــ عن المحاضرات بعد فشل مفاوضات الطلاب مع إدارة جامعة بنها التي وعدت الطلاب في وقت سابق بتحويل مسمي المعهد إلي كلية، كما حدث مع طلاب المعاهد التكنولوجية بالمنيا والمطرية ومنوف، إلا أن رئيس جامعة بنها الدكتور «حسام العطار» عاد ليؤكد للطلاب إصرار وزير التعليم العالي علي موقفه الرافض لتحويل مسمي معهد بنها مقترحاً حل الأزمة عن طريق توقيع اتفاقيات مع بعض المعاهد العليا الأجنبية لإكساب الطلاب خبرات تعوضهم عن رفض الشركات تدريب طلاب المعهد.

وهو ما رفضه الطلاب الذين أكدوا لــ«الدستور» أن الهدف من وراء تحويل مسمي المعهد إلي كلية يأتي لتسهيل قيد خريجي المعهد بنقابة المهندسين وتوفير فرص تدريبية للطلاب بالشركات، خاصة أن نظام الدراسة والمقررات في المعهد هو نفس نظام الدراسة بكليات الهندسة.

يا عم نص كلام الجرايد بايظ للأسف

قال طيار اسعاف قال

وبعدين اول يوم فى الاعتصام كان فيه امن اكتر من امبارح


بس تعرف ؟

احسن فشرة عملتها الصحافة ان عدد المعتصمين 3000 او 3500

فشرة عاملالنا هيبة

هههههههههههههههههههههههههههههههههههههههههههههههههه




متشكرين يا جميل على الاخبار
جزاك الله خيرا


وربنا يسهل وتتحل كل مشاكلنا ( التحويل _ التخرج _ الجيش _ العروسة _ العربية _ العيال ولاد التيت ولادنا اللى مش نافعين فى المدارس ههههههههه )

بس

انت هتعرف اكتر منهم

اسكت ساكت

ياجماعة صحيح الجرائد بتفشر زي البشمهندس ماقال
بس يلا كله في مصلحة الشعب وخلي الغلابة تاكل



بصراحة كده يا احمد باشا ايه رايك فيما قاله الدكتور احمد للبنات اليوم في اهانة للطلاب كلهم

هو ايه اللي اتقال اصل انا سمعت حاجات كتير بس بصراحة الجرايد بتفشر وبالذات الطيارة الهليوكوبتر اللي كانت بتنقل الطلبة في الوقت اللي كانوا عايزين يدخلوا الاسعاف ومش عارفين

امر احد العاملين ان يذهب ويمسك طالبة للدكتور احمد العسال ولكن جريت واعترض الحديدي طريق العامل
ومنعه
هو ده اللي حصل السبت بعيييييييد خدا عن الجرائد

اقتباس :

والطلبة المعتصمين فضلوا وقفين امام القاعات مش عيزين يتحركوا وعملين يهتفوا باعلى صوت طبعا الدكتور اللى فى المحاضرة مرضيش يطلع يكلمهم والطلاب كذلك مارضيوش يطلعوا لانهم لو كانوا طلعوا كانوا كلوهم
وانتوا عارفين الناس المعتصمين بالهم قد ايه مكالوش لحمة

[quote]

يا باشا دا ان دل على شىء فيدل على قلة أدب ووقاحة اللى وقفوا ادام القاعات دى


هم معتصمين مفيش مشكلة
لكن يهتفوا جنب المحاضرة علشان الدكتور ميعرفش يشرح ؟؟؟
دى قلة ادب


وكمان الاعتصام تطور لدرجة ممكن تخلينى أروح للدكاترة بتوعى واقولهم تعالوا ادونى المحاضرات انا مش معتصم

قال هياكلوهم قال
زى ما قلتلك قبل كدا
فيه ناس مينفعش معاها غير ضرب الجزم

اقتباس :

كان البنات بيهتفوا و بيقولوا حسبنا الله ونعم الوكيل

راح الدكتور رجعلهم وقالهم صدقوا انتوا بنات قلالات الأدب

فعلا بنات قلالات الادب
احنا قولنا صوت المرأة عورة فى الحالة دى
والمهندسة سمر ربنا يزيد عفافها علقت على كلامى وقالت انها مش حاطة هتافتا للبنات فى الكليب بتاعها
وهتافتا البنات مكنتش موجودة غير فى الاول

صوت المراة فى حد ذاته مش عورة
لكن عن علو الصوت والجهر بيه بيبقى عورة

واعتقد مفيش حد مختلف معايا ان البنت اللى بتكشف عورتها تبقى بنت قليلة الادب





اما كلمة حسبى الله ونعم الوكيل فلو بتتقال بالمنظر دا بتدخل تحت طائلة الذكر الجماعى ودا منهى عنه فى السنة
ولما تتقال بالذات بعد الحاجات اللى عملها الدكتور احمد يبقى هو المقصود بيها

متحاولش تقنعنى انهم كانوا بيقولوها لسبب تانى
وعلى فكرة هى مش شتيمة
لكن معظم الناس بتاخدها على انها شتيمة
تخيل انت واحد جاى يقولك حسبى الله ونعم الوكيل فيك

اى حد لو حصله كدا هياخدها على انها شتيمة






يا جماعة ايا كان الدكتور احمد او غيره مينفعش يسيب الطلبة تعمل اللى هى عيزاه
دا شخص ذو منصب ادارى
وعليه ضغوط من الجامعة والوزارة وضغوط تانية بلاش نتكلم عنها


وفى الاول والاخر كل واحد بيمشى ورا مصلحته

ادولى سبب واحد يخليه يقف معانا بعد الضغوط دى وكمان بعد ما كل يوم بقت تحصل معاه حركة معيلة من منظمى الاعتصام ؟؟؟

لو انا مكانه وحصل معايا اللى حصل معاه من قيادى الاعتصام (اللى معينين نفسهم) والله كنت رميت عليهم كام عسكرى امن مركزى والليلة خلصت على كدا


علقة سخنة وكل واحد على بيته
والموضوع خلص وخلاص

وعلى فكرة بغض النظر عن كل دا
اعتصام مش اعتصام تحويل مش تحويل كل دا كوم وهتافات البنات دا كوم تانى

عورات اخواتنا مكشوفة وللأسف فرحانين باللى هم بيعملوه
واللى عاملين نفسهم شيوخ هم اللى بيشجعوهم على كدا ( الاخوانجية فضح الله امرهم )

اقتباس :

عندك كام معيدة بتطلع تشرحلنا وصوتها بسم الله ماشاء الله عالى يعنى
لا والاغرب ان عندك معيدة فى ورشة التبريد
كيف يكون ردك على المطالبين بحقهم الشرعى
وردك على المعيدة اللى صوتها ......

[quote]
عمل المرأة لا يجوز إلا لضرورة يفتى بها عالم

ومفيش اختلاف على كلامى دا يا باشا فى رأى الائمة الاربعة
فلو كانت المعيدة دى بتشرح بصوت عالى فالصوت العالى هى مجبرة عليه علشان اللى ادام واللى ورا يسمع
يعنى لو كانت بتشتغل لضرورة وعلت صوتها مفيش مشكلة
لكن لو عله برا المحاضرة يبقى حرام

اقتباس :

يعنى هى علشان ربنا خلاها بنت ماطالبش بحقها

حلو اوى
هى مينفعش تطالب بحقها إلا لو علت صوتها ؟؟؟

مينفعش تعتصم من غير ما تهتف ؟؟؟؟

اقتباس :

وبعدين قصة الديمقراطية اللى انت بتتكلم عليها
وتقولى القنوات الخليعة
بالظبط عملت زى اللى بيشوف بعين واحدة
طيب ما فى كام قناة دينية
فى كام قناة بتعرض قران 24 ساعة يوميا بالعربى والانجليزى
فى كام قناة يذكر فيها احاديث المصطفى صلى الله عليه وسلم
ولا هو احنا بنبص على السلبيات بس

انا مشش بنتقد مجتمعنا
انا بنتقد الديموقراطية المطلقة

واى واحد لما ينتقد حاجة اكيد بيقول عيوبها
واى حاجة فى الدنيا ليها مميزات وعيوب

فأنا لو قلتلك قولى رأيك فى الحالة الاقتصادية فى البلد
لو عجباك هتقولى فلة اوى ونسبة الفقر عندنا قليلة وعندنا نظام تكافل اجتماعى والتعليم مجانى ووو
لو مش عجباك هتقولى المرتب مش بيكفى .. الاسعار بتزيد .. الضرايب بتكتر .... إلخ


فى علم الرياضيات
علشان تثبت بطلان نظرية كفاية بس انك تدى دليل واحد
علشان تثبت صحة نظرية لازم تثبت كل الشروط

اقتباس :

انا مع العضو اللى اسمة eng : amer

انت ليه بتقول كدا عليه
طب ما تقول المهندس عامر اسهل واشيك
دانت مشرف فى منتداه يا راجل




وعلى فكرة هقولك حاجة بمناسبة انك اعترضت على ان صوت البنات اللى بيهتفوا دا عورة

لو كان الدين بالرأي لكان باطن الخُفِّ أَوْلَى بالمسح من ظاهره

متعترض على كلام مدعم بقرآن او بسنة
مش انت ولا حد فينا اللى يعترض على كلام علماء اجلاء
احنا لسة عيال

اقتباس :

وبعدن فى اية قرانية بتقول(قد سمع الله قول التى تجادلك فى زوجها وتشتكى الى الله والله يسمع تحاوركما )صدق الله العظيم
دية والله اعلم كانت مراة تطالب بحقها

انا مقولتش انهم ميطالبوش بحقهم
انت اللى مفهمتش

انا بقول ميهتفوش ويجهروش بصوتهم
وعلى فكرة يا معلم
الصحابية دى لما حصل اللى حصل ( زوجها ظاهرها ) وحبت تطالب بحقها مخرجتش وزعقت فى وسط الناس
لا
دى راحت لولى امر الامة
النبى صلى الله عليه وأله وسلم

اللى هو محرم ليها ولكل نساء الامة
واشتكتله بصوت واااااااطى جدا جدا جدا
حتى ان السيدة عائشة كانت معهم فى نفس الحجرة ولم تسمع قوليهما

عن عائشة قالت: تبارك الذي وسع سمعه كل شيء، إني لأسمع كلام خولة بنت ثعلبة، ويخفى علي بعضه، وهي تشتكي زوجها إلى رسول الله صلى الله عليه وسلم


سبحان الله
كانت موطية صوتها رغم ان كل اللى كانوا موجودين فى الحجرة هو الرسول ودا محرم ليها ومحرم لكل نساء الامة والسيدة عائشة
يعنى مكنش فيه اجانب كمان


الاية بتزيد كلامى مصداقية يا اخى

NO COMMENT..........................................................................
[img][/img]

اقتباس :

انا شايف ان عندك وجهة نظر فى الاعتصام وسلبياته وما الى ذلك
ليه مترشحش نفسك تكون احد اعضاء لجة التحويل

يا جميل بقولك انا مش موافق اصلا على الاعتصام
ارشح نفسى ازاى فى لجنة التحويل ؟؟؟؟؟


انا هاجى بكرة على فكرة علشان ابقى ساهمت بفرد فى زيادة العدد اللى هيظهر ادام الصحافة
ان شاء الله


بس غالبا هلم الشلة واروح احضر محاضراتى بعد بكرة
والدكتور اللى مش هييجى هتصل بيه علشان يجيلنا او حتى اروحله المكتب

لو محصلتش حاجة تغير رأيى يعنى فى الاتجاه اللى مشى فيه الاعتصام

والله الموفق