السلام عليكم ورحمة الله وبركاته
فيه كلام كتير اتقال على المنتدى الجديد وانه فيه مشاكل
الحقيقة عدد المشاكل فى المنتدى لا تتجاوز ال 80 مشكلة
ودا رقم قياسى جدا جدا جدا جدا
يعنى لو شوفنا منتدى كبير زى ماى ايجى او عرب لايونز هتلاقى المشاكل فيه ما بين 120 ل 200 مشكلة
ودا يبقى تحفة بجد
المنتدى خاااالى تماما من الثغرات الامنية ودا اختصاصى الاول والاخير
انا بختلف عن غيرى بحتة الامن
والحمد لله دا بيميزنى جدا جدا جدا ودا اللى عامللى اسم
طب المشكلة فى ايه ؟
عندك حاجتين ممكن يظهرولك
Database error
او صفحة بيضة
المشكلة مش فى المنتدى
المشكلة فى قاعدة البيانات اللى ادوهالنا فى المجلس الاعلى للجامعات
وانا بعت فاكسات من المكتب الفنى لعميد المعهد علشان ينفذولى طلباتى وفعلا نفذوا جزء منها والجزء التانى قالوا استنوا علينا يومين فيه عملية صيانة للسيرفر وشبكة الدى ان اس بتاعة المجلس
حل المشكل دا بسيييط جدا
خناقة صغيرة فى التليفون وحاجة من الاتنين اللى هتحصل
لإما ينفذوا طلباتى لإما هسيب دعم الموقع بتاع المعهد وموقع الجامعة ويشوفولهم حد تانى او يتحرقوا بجاز هم حرين
للأسف قليل جدا اللى بيتقن عمله فى البلد دى
ان شاء الله قريب المشاكل كلها هتتحل
وانا عن نفسى بستغل الوقت اللى احنا فيه دا وبطور من هاكات وملفات المنتدى بحيث أقلل المشاكل اكتر واكتر ان شاء الله
معلومة صغيرة : نسخة المنتدى الاصلية اللى بتبيعها ( فى بوليتين ) بتحتوى فى المتوسط على 150 خطأ
بعد اضافة ملف اللغة علشان نخلى المنتدى عربى او فرنساوى او اسبانى او او او بتبقى الاخطاء وصلت ل 300 خطأ
بعد تركيب اول استايل الاخطاء بتوصل ل 400 او اكتر
وبعد تركيب الهاكات والبلاج انز بتزيد الاخطاء بزيادتهم
يعنى نسخة المنتدى مفيهاش كلام وبجد احسن من اى حد تانى
فى الشكل والمضمون والامن والمحتوى
المشكلة كلها فى قاعدة البيانات
ادعولى ربنا يوفقنى واحل المشكلة دى قريب
اعتقد المنتدى الجديد شجعنا كلنا على المشاركة فيه
فى خلال يومين الاعضاء بقوا 16 تقريبا
والمشاركات عدت ال 100
معلش اعذرونى واستحملونى شوية لحد ما نحل المشكلة دى سوا
موضوع: بخصوص مشاكل المنتدى الجديد 
الخميس مارس 19, 2009 7:53 pm
