عدد الرسائل : 206 العمر : 34 تاريخ التسجيل : 30/10/2008
موضوع: أخر اخبار المعهد بتاريخ 9/11/2008 الأحد نوفمبر 09, 2008 5:50 pm
السلام عليكم ورحمة الله و بركاته زملائنا الأعزاء
نقول الاخبار الاول
السيد الاستاذ الدكتور حسام الدين العطار - رئيس جامعة بنها - وفر علينا خطوتين فى طريق التحويل الخطوة الاولى موافقة مجلس الكلية برئاسة الدكتور جمال عميد المعهد الخطوة الثانية موافقة مجلس الجامعة برئاسة الدكتور حسام
بجد ربنا يجزيه كل خير مش كدا وبس لالالالالالالالالالالالالالالا دا كمان عرفنا ازاى نمشى فى الطريق دا بشكل صح يخلينا نوصل لهدفنا بسرعة
بجد بجد
ربنا يباركله
نتكلم بقى عن شوية ملاحظات كدا
اللى حصل النهاردة كان مهزلة بمعنى الكلمة
لجنة النظام مسخرة
كان طالع جنبى بنات على السلم وعلشان ( ميلزقوش فيا ولا الزق فيها ) آسف للفظ علشان دا يحصل اضطريت انزل واطلع من سلم تانى ولفيت لفة طويلة جدا
لجنة التحويل زبالة
كلهم إخوان وعلشان كدا البشمهندس احمد من الفرقة الخامسة مدنى ( يشهد الله أنى أحبه فى الله دون معرفة سابقة ) حصلت خناقة النهاردة بينهم وبينه وكانوا ( هيضربوه ) علشان هو اللى كان مذاكر اللى هيتقال مذاكرة تمام التمام وهم مش عارفين حاجة
بس ازاى الاخوانجية ميظهروش فى الصورة ؟؟؟؟؟؟؟؟
ممثل عام الاعتصام ( بابا وماما )
لما ( الاخوانجية ) اختاروا واحد يتكلم مع الدكتور حسام الدين العطار رئيس جامعة بنها اختاروا واحد ميعرفش فى اى حاجة والمفروض كانوا يجيبوا الاخ احمد ( دا الاخ اللى اتكلم بلسان القانون وذكر المادة 86 لسنة 81 قانون تنظيم الجامعات المصرية ) اعتقد كل واحد فينا كان فرحان جدا بيه
لكن فى المقابل الاخوانجية نزلوه من على المسرح وسكتوه والبشمهندس اللى اتكلم قال كلام ملوش اى لزمة زى مثلا
حولنا المعهد لكلية يا دكتور حسام علشان والد ووالدة كل واحد من الناس دى يدعولك
وبعد شوية لقيناه بيظبط مع الدكتور احمد العسال لإنه فى قسم ميكانيكا ونفض للحوار كله
وكبر وعيش تاكل قراقيش
من الناحية الشرعية فيه نقطتين عايز اتكلم فيهم
بشكل عام الاتصامات والمظاهرات حرام شرعا ولا تجوز فى ملة الاسلام لما ينتج عنها من وقف حال المسلمين من العوام وإضاعة أموال الدولة وتفجير الحركة المرورية كما فى حالة المظاهرات واعتداءات وقد ينتج عنها سفك للدماء وقتلى وجرحى كما أنها خروج عن الحاكم
لكن الاعتصام اللى احنا عملناه جائز شرعا لإنه دستورى لطالما ولى الامر فى بلدنا بيسمح بكدا يبقى اوكى مفيش مشكلة
لكن ايه اللى انا عايز اتكلم فيه
اولا ترديد عبارات دينية حرام شرعا
ليه يا بشمهندسين ؟؟؟؟؟؟؟؟؟
ذكر جماعى وفى الصحيح من حديث جابر أن النبى صلى الله عليه وآله وسلم أتى قوما فى المسجد اجتمعوا واستداروا ( يعنى عملوا دايرة او حلقة ) ومكثوا يذكروا الله ويتحاسبون ( يعنى ماسكين حصى وبيعدوا او بيحسبوا اللى قالوه ....... ماذا كان رد فعل النبى صلى الله عليه وآله وسلم ؟؟؟؟؟؟؟؟؟
إحمر وجهه ونهاهم وما انصرف حتى انصرفوا
دا ذكر جماعى منهى عنه بس هنقول ايه بقى الاخوان المسلمين طول عمرهم كدا واللى يعارضنى فى اى كلمة عنهم هجيبلكم كلامهم اللى بيقولوه فى كتبهم وتحكم انت بعقلك يا بشمهندس هل هم يستحقوا تمثيل الاسلام او يستحقوا ان يحاكموا لإهانة دينهم ؟؟؟؟؟؟
ثانيا يا بشمهندسين
الصلاة خارج المسجد
ليه يصلوا فى الطريق طالما المسجد موجود وبفضل الله لو مكفاهومش مرة واحدة يقسموا نفسهم نصين
او يروحوا مسجد من المسجدين اللى جنبنا
مسجد عمر مثلا 5 ادوار ما شاء الله ولاقوة إلا بالله
ولا الصلاة فى المسجد ( كخة ) ولازم الناس تشوفهم علشان يقولوا يا سلام الناس دى مؤمنة وبتصلى ؟؟؟؟؟؟؟؟؟
يا جماعة السبب الرئيسي فى المهزلة الللى حصلت النهاردة ان معظم اللجان اخوان وهم اللى اختاروا اللجان فيما بينهم ولولا ان احد الدكاترة رشحنى علشان امسك اللجنة الاعلامية مكنش بقيت بينهم
وعلى فكرة يا جماعة
فى يوم من الايام كنت واحد من الاخوان والمتحدث الرسمى ليهم فى الانتخابات اللى فاتت
ولو فيه حد مش عارفنى او لسة يعرفنى السنادى او مش مصدق انا مستعد ابعت فيديوهات ليا على قناة الجزيرة والعربية ودريم صوت وصورة
وكمان هبعت ان شاء الله فى القريب العاجل سلسلة دروس عملتها من سنتين تقريبا بعنوان :
" لماذا تركت الاخوان " السلسلة تقريبا 6 دروس كل خطبة حوالى ساعة او ساعة ونص
اتكلمت فيها بالقرآن والحديث واستشهدت بكلام من كتبهم هم مع ذكر رقم الصفحة واسم الكتاب فى كل مرة كنت بتكلم فيها عن نقطة هم قالوها فى كتبهم
اعتقد عدانى العيب اوى
الخلاصة
أنا أعلنت إنسحابى من اللجنة الاعلامية والتوقف عن الاعتصام
أنا مش بلطجى وكلام الدكتور حسام والدكتور جمال عميد المعهد مفيش احسن منه والاعتصام اللى فات على فكرة استمر 11 يوم ووقفوه علشان يمشى الموضوع بشكل قانونى وحقهم وصلهم بعد شهور من الاعتصام حوالى 5 شهور
مش معقولة هنفضل معتصمين بدون جدوى
انا مش بلطجى زى الاستاذ اللى راح لوزير التعليم العالى فى الزقازيق وقل ادبه عليه
قل ادبه على واحد اد ابوه دا لو مكنش اد جده وعلى وزير
مرة تالتة انا مش بلطجى
واسف جدا للإطالة بس حبيت اوضح الصورة اكتر
أخوكم أحمد أبو الفتوح المشرف العام للمنتديات
الطريق الى الجنة
عدد الرسائل : 138 تاريخ التسجيل : 05/11/2008
موضوع: رد: أخر اخبار المعهد بتاريخ 9/11/2008 الأحد نوفمبر 09, 2008 5:58 pm
طيب انا دلوأتي مش عرفه هل بكره في اعتصام ولا لأه وهل الدكتور حسام العطار قبل التحويل لكليه خلاص لاني حاولت احضر بس الموضوع كان صعب اوي (البنات والاولاد كانوا بيخبطوا في بعض) فكان صعب اني اعرف اكمل كلامه فطلعت وكان معايا كتير من البنات ومعرفناش ايه الى تم.
فيريت اعرف هل بكره اعتصام ولا لأأأأأه .علشان هندسة الانتاج وورش
واسفين على الازعاج
وجزاك الله الف خير
Admin Admin
عدد الرسائل : 206 العمر : 34 تاريخ التسجيل : 30/10/2008
موضوع: رد: أخر اخبار المعهد بتاريخ 9/11/2008 الأحد نوفمبر 09, 2008 6:13 pm
يا ستى احضرى
دى اصلا ناس بتهرج من الاول
اللى عمله الدكتور حسام ليه معنى واحد بس
هو اننا تخطينا موافقة المعهد والجامعة على التحويل
ناقص موافقة الوزير والمجلس الاعلى للجامعات ولجنة المعادلات والسيد رئيس الجمهورية ( حفظه الله )
ولو وافق حد منهم يبقى موافقة المعهد والجامعة مش مهمة
بالمختصر المفيد زى ما بيقولوا ................... دى تعتبر موافقة
وبعدين هم سابوا النقطة المهمة فى الموضوع دا وهى كارنيه النقابة وراحوا يتكلموا عن المظاهر ( تحويل المعهد لكلية )
انا طالع اول الجمهورية وسايب بترول مع انى عارف انه ( معهد ) واختى كانت جايبة مجموع اى هندسة فى مصر غير البترول
وقبل ما ادخله استشرت بنت خالتى الدكتورة عزيزة شريف دكتورة فى ميكانيكا هندسة شبرا وابن خالتى الدكتور حسام الدين نوار دكتور فى مدنى القاهرة وخالى الدكتور على نوار دكتور فى الهندسة النووية جامعة الاسكندرية بس حاليا سايب شغل الجامعة
ولقيت فعلا ان المعهد بتاعنا دا احسن من شبرا واحسن من القاهرة واحسن من الاسكندرية
رغم ان اسمه معهد شعب بتاع مظاهر
انا زى ما قلتلك خلاص انا برا الاعتصام لو عايزة تكملى براحتك
لكن بكرة ان شاء الله هيبقى فيه محاضرة للدكتور عبد المعطى واكيد هبيقى فيه ورش ان شاء الله
لإن اختى خدت محاضرته الاسبوع اللى فات هو اداهالهم بدل الدكتور احمد قاسم هى فى المجموعة التالتة
ولو حصل لا قدر الله وحد منعك انك تطلعى روحى على الامن
فى اول يوم اختى كان عندها كويز كمبيوتر وبلطجة كانوا واقفين على السلم ومبيطلعوش حد اتصلت بيا وطلعتها غصب عن عينهم
بلطجة ببلطجة وكمان الدكتور احمد العسال حول واحد منهم للتحقيق
روحى وتوكلى على الله
أخوكى احمد ابو الفتوح المشرف العام للمنتديات
AdminK
عدد الرسائل : 33 العمر : 32 تاريخ التسجيل : 05/11/2008
موضوع: رد: أخر اخبار المعهد بتاريخ 9/11/2008 الأحد نوفمبر 09, 2008 8:00 pm
بص يا مان من غير ما اقرا الموضــــــــوع
ملــــــــــــكش دعوه بالأخوان
Admin Admin
عدد الرسائل : 206 العمر : 34 تاريخ التسجيل : 30/10/2008
موضوع: رد: أخر اخبار المعهد بتاريخ 9/11/2008 الأحد نوفمبر 09, 2008 9:03 pm
اقتباس :
ملــــــــــــكش دعوه بالأخوان
اسكت ساكت
أخوكم أحمد أبو الفتوح المشرف العام للمنتديات
AdminK
عدد الرسائل : 33 العمر : 32 تاريخ التسجيل : 05/11/2008
موضوع: رد: أخر اخبار المعهد بتاريخ 9/11/2008 الأحد نوفمبر 09, 2008 10:15 pm
ليه مش عاوز تسمع الا صوت نفسك
Admin Admin
عدد الرسائل : 206 العمر : 34 تاريخ التسجيل : 30/10/2008
موضوع: رد: أخر اخبار المعهد بتاريخ 9/11/2008 الأحد نوفمبر 09, 2008 10:35 pm
اقتباس :
ليه مش عاوز تسمع الا صوت نفسك
[quote]
شكلك مقريتش الموضوع يا بشمهندس
إقراه تانى كويس كدا وردلى على اللى قولته
قولى انت غلطان يا احمد
ولا اقولك حل اسهل اتصل بيا فى البيت علشان افجرلك التليفون بتاعكم او تعالالى البيت علشان مخرجكش من عمارتنا
ههههههههههههههههههههه
بلطجى انا
أخوكم احمد ابو الفتوح المشرف العام للمنتديات
سعدون المطحون
عدد الرسائل : 3 تاريخ التسجيل : 09/11/2008
موضوع: رد: أخر اخبار المعهد بتاريخ 9/11/2008 الأحد نوفمبر 09, 2008 10:44 pm
بصراحة انا حسيت ان كل تعبنا راح على الفاضى النهاردة
والعميد قال بنفسه اننا اقل بكتير من المرة اللى فاتت