أخر أخبار الاعتصام بتاريخ 10/11/2008

السلام عليكم ورحمة الله وبركاته



كيفكم يا بشمهندسين ( بإعتبار ما سيكون ان شاء الله بعد 20 سنة اللى هى مدة الدراسة بالمعهد )



النهاردة الاخوان انسحبوا من التنظيم


زى ما قلتلكم قبل كدا

لو الحوار دا باظ يبقى الاخوان السبب فيه



طيب ليه انسحبوا ؟؟؟؟؟؟؟؟؟؟؟؟؟

هقولكم ليه

النهاردة كان عندى معاد مع الدكتور احمد العسال وكيل المعهد علشان انا اللى ماسك موقع المعهد الرسمى
وفيه طلبات طلبناها من المجلس الاعلى لتنظيم الجامعات علشان نقدر نرجع نشتغل فى الموقع تانى ونعمله اب ديت


المهم الدكتور احمد اتصل بجابر ( دا الامور اللى أعلن انسحاب الاخوان وهو نفسه الامور اللى فضحنا لما اتكلم بإسمنا ادام رئيس الجامعة )


فى المكالمة قاله حاجتين

اول حاجة ان الاعتصام دا هيبقى فى ضدنا لو استمر لمعاد مقابلة الوزير وان الاعتصام اللى فات دام 11 يوم وبعدين فكوه لحين صدور قرار والقرار دا جه بعده بخمس شهور


تانى حاجة قاله ان اللجنة اللى هتروح للوزير ان شاء الله تعالى ميبقاش فيها اخوان

ودى اهم حاجة فى الموضوع




نكرر نفس السؤال اللى سألناه لنفسنا قبل كدا

إزاى الاخوان ميظهروش فى الصورة ؟؟؟؟؟؟؟؟؟؟؟





بفضل الله تعالى كدا لجان النظام والتحويل ( نضفت ) وليس عليها اى غبار



طب ايه اللى حصل تانى يا بشمهندسين ؟؟؟؟؟؟؟؟


الدكتور احمد العسال راح لاخواننا الطلبة المعتصمين واللى ( فرشوا ) البطاطين بتاعتهم عند النجمة علشان هيباتوا فى المعهد ان شاء الله النهاردة

فهمهم ان دا مش فى مصلحتهم وان دا هيضعف موقفهم جدا ادام الوزير والمسؤولين



لكن بالرغم من كدا أصروا على المبيت داخل المعهد

فنسأل الله تعالى ان يحميهم من الحشرات المتوحشة والطيور الجارحة
ههههههههههههههههههه



ربنا يباركلهم ولكل زملاءنا يارب






موضوع الخناقة اللى حصلت النهاردة انا محضرتوش

لكن البنت والولدين جهم لمكتب الدكتور احمد العسال وكيل المعهد لشئون الطلاب علشان يرفعوا مذكرة باللى حصل


كل الموضوع ان بنت قاعدة تلعب كوتشينة مع اصحابها
ورايحة تلعب جنب ملعب البنج ( بذكاءها )

فالكورة جت فيها مرة
والمرة التانية واحد امور حبوب كدا راح يتخانق علشانها
الواد البطل يعنى وانتو فاهمين بقى

فالواد دا كان بيلعب معاها
والواد اللى ضرب الكورة مكنش يقصد كدا

اى حد مننا لما بيجى يتفرج على بنج اكيد اتعرض لخبطة من الكورة

القيامة مش هتقوم يعنى
ما كانت تلعب فى حتة تانية
والكورة مش بتوجع ولا حاجة

المهم الواد الكتكوت صاحبها راح يضرب بتاع البنج

فالواد بتاع البنج سخن عليه فضربه على راسه بالمضرب
والواد صاحبها شكله كان متشرد فضربه جامد وخربشه من وشه ورقبته

فبتاع البنج سخن اكتر
فضربه على راسه جامد بالمضرب.................. راسه اتفتحت





فبتوع رعاية الشباب قفشوهم هههههههههه

ودوهم للدكتور احمد واللى حصل خد مجراه القانونى


يعنى الحوار دا كله مكنش له اى علاقة بالاعتصام
والله على ما اقول شهيد

انا كنت فى مكتب الدكتور احمد العسال لساعتين تقريبا ويمكن اكتر
وكان معانا اخويا وصاحبى تيييييييييت
((ألف شكر))
ههههههههههههههه

المهم انى حضرت التحقيق وفهمت كل حاجة وانا جوة

يعنى الاعتصام مش السبب فى الخناقة دى



على فكرة يا جماعة انا ضاعت عليا محاضرة برودكشن للاسف




كدا خلصت اخبار النهاردة

انتظروا مزيدا من الاخبار ان شاء الله فى سنتنا اللى مش فايتة دى

وليكن شعارنا دائما كبر وعيش تاكل قراقيش


ههههههههههههه



أخوكم أحمد أبو الفتوح
المشرف العام للمنتديات